💰 كل سعر مكتوب هنا — ما فيه شي وراء المكالمة

الأسعار كاملة، وبدون ما تحجز عرض تجريبي

تشوف السعر، تشوف الحدود، تشوف اللي مو داخل في الباقة — كل شي مكتوب في هذي الصفحة. ما تحتاج تعبّي نموذج ولا تنتظر مندوب يرجع لك بعرض.

آخر تحديث للأسعار: 24 سبتمبر 2026

🤖 اسأل ChatGPT عن Sensei رأي محايد من ذكاء اصطناعي يقرأ موقعنا كاملاً — ثم قرّر.

تجريبية

مجاناً
  • 30 يوماً على الباقة اللي تختارها
  • موظفك الذكي يرد من رقم واتساب نشاطك
  • بدون بطاقة وبدون أي خصم
  • توقفها متى شئت
  • عرض الإطلاق: الشهر الثاني على المتقدمة بـ129
جرّب مجاناً

البداية

129 ريال/شهر
  • حتى 3,000 رد ذكاء شهرياً
  • رد آلي على مدار الساعة من معلومات نشاطك على رقم واتسابك
  • من ينتظرك · سجل المحادثة · سياسة البيع الموثَّقة
  • «وين طلبي؟» لمتاجر سلة
  • اشتراك واحد للنشاط مهما كان عدد موظفيك
ابدأ الآن

المتقدمة

279 ريال/شهر
  • حتى 15,000 رد ذكاء شهرياً
  • كل ما في البداية
  • للنشاط كثير المحادثات
ابدأ الآن

كل الأسعار شاملة ضريبة القيمة المضافة 15% — الرقم اللي تشوفه هو الرقم اللي يخصم منك.

وش داخل في كل باقة بالضبط

الجدول كامل — بما فيه الحدود اللي ما نحب نخفيها. والتجربة المجانية هي باقتك نفسها كاملة 30 يوماً.

عرض الإطلاق: الشهر الأول مجاناً، والشهر الثاني على الباقة المتقدمة (15,000 رد) بسعر أقل باقة — 129 ريالاً. وبعده تختار باقتك.

البند البداية — 129 النمو — 189 المتقدمة — 279
ردود ذكاء شهرياً3,0005,00015,000
يشتغل على رقم واتساب نشاطكرقمك أنترقمك أنترقمك أنت
تحويل المحادثة لك وتردّ من رقمكنعمنعمنعم
سجل المحادثات وسياسة البيع الموثَّقةنعمنعمنعم
«وين طلبي؟» لمتاجر سلةنعمنعمنعم
تحديث معرفة سنسي من لوحتكوقت ما تبيوقت ما تبيوقت ما تبي
رسوم إعداد أو تفعيلصفرصفرصفر
مدة العقدشهريشهريشهري

لو تجاوزت حدّك

ما نوقف موظفك الذكي ولا نرقّيك لباقة أغلى. تشتري رصيداً إضافياً من سنسي نفسه، بسعر معلن من الآن — وكل الأرقام هنا بالريال شاملة الضريبة.

ردود ذكاء إضافية

سُلّم متدرج: كل شريحة تُسعَّر على ما يقع فيها هي فقط، فالإجمالي يزيد مع العدد ولا يقفز عند أي حد. أقل شحنة 300 رد = 30 ريالاً.

الشريحةسعر الردمثال: تشتريتدفع
أول 450 رداً0.1030030 ريالاً
من 451 إلى 1,5000.081,500129 ريالاً — سقف البداية
من 1,501 إلى 2,5000.062,500189 ريالاً — سقف النمو
من 2,501 إلى 7,0000.027,000279 ريالاً — سقف المتقدمة

أقصى شحنة تساوي سعر باقتك: البداية حتى 1,500 رد إضافي، والنمو حتى 2,500، والمتقدمة حتى 7,000. ولو احتجت أكثر فالترقية أوفر لك — وسنسي يقولها لك بنفسه.

ضمانان على الرصيد

  • ما فيه خصم تلقائي لشحن الرصيد — الخصم التلقائي للاشتراك الشهري فقط. الردود الإضافية تشتريها أنت مقدّماً من سنسي، وإذا خلصت وقف الرد؛ ما نسحب من بطاقتك بلا طلبك
  • رصيدك محفوظ لك 12 شهراً حتى لو انتهى اشتراكك. وإذا جدّدت، يبدأ الخصم من ردود باقتك أولاً، ثم من رصيدك الإضافي

أشياء غيرنا يأخذ عليها فلوس — وإحنا لا

رسوم إعداد

صفر. أنت تدرّب موظفك الذكي بنفسك — ما فيه فاتورة أولى ولا جلسة إعداد مدفوعة.

عقد سنوي

ما فيه. عقد شهري، تقدر توقف متى ما تبي بدون رسوم إلغاء (بكلمة «إلغاء الاشتراك» من رقمك لسنسي)، وتستمر فترتك المدفوعة حتى نهايتها.

رسوم على كل موظف

ما فيه. تضيف من فريقك مدرّبين لسنسي بأي عدد، كل واحد من رقمه — والسعر ما يتغير.

عرض تجريبي إجباري

تقدر تشترك بدون ما تكلّم أحد. لو تبي تسأل، إحنا موجودين — لكن مو شرط.

أسئلة عن الأسعار

الأسعار شاملة الضريبة؟

نعم، كل الأسعار المكتوبة شاملة ضريبة القيمة المضافة 15%. رقم تسجيلنا الضريبي في أسفل الصفحة، والفاتورة تجيك إلكترونية.

أقدر أغيّر باقتي أو أوقف؟

في أي وقت. الإيقاف: اكتب «إلغاء الاشتراك» من رقمك لسنسي وأكّده، ويستمر موظفك الذكي يخدم زبائنك حتى آخر يوم مدفوع — ما فيه رسوم إلغاء. وتغيير الباقة: راسلنا ونرتبه لك.

ليش الباقات ما تختلف إلا في عدد الردود؟

لأن كل نشاط يستاهل نفس الأدوات. الفرق الوحيد حجم محادثاتك: تبدأ بالبداية، ولما تزيد محادثاتك ترقّي. والسعر اللي تشوفه هو اللي تدفعه.

فيه استرداد لو ما ناسبني؟

نعم، حسب سياسة الاسترداد. وعشان كذا التجربة المجانية موجودة أصلاً — جرّب قبل لا تدفع.

كيف أدرّب سنسي وأتحكم فيه؟

من واتساب نفسه: في وضع «تدريب» اكتب لسنسي أي معلومة عن نشاطك، أو أرسل ملفاً أو صورة أو رابط موقعك، أو اكتب «خدمة جديدة» — يحفظها ويقول لك وش حفظ. وبكلمة «تجربة» تسأله كأنك زبون وتشوف ردوده قبل زبائنك. واللي ما يعرفه يسألك عنه، وجوابك يُحفظ. والشرح في صفحة إدارة موظفك الذكي.

كيف أشوف رصيدي واستهلاكي؟

أرسل كلمة «لوحتي» من رقم واتساب صاحب النشاط (أو أي مدرب مسجل) لسنسي، ويوصلك رابط لوحتك فوراً: حصتك المتبقية، أرصدتك، وآخر الحركات. الرابط صالح ساعة واحدة لحماية حسابك — ولو انتهى أرسل «لوحتي» من جديد ويجيك غيره.

وش طرق الدفع؟

للاشتراك يلزم بطاقة: مدى أو ائتمانية أو ماستركارد — والاشتراك يتجدد تلقائياً. ولشحن الرصيد تقدر تستخدم البطاقات كلها.

عندي حجم أكبر من 15,000 رد

راسلنا على واتساب ونتفق على سعر مبني على حجمك الفعلي. ما عندنا «باقة مؤسسات» غامضة — نعطيك رقماً مكتوباً.

جرّبه قبل لا تدفع ريال

30 يوماً مجاناً على باقتك، بدون بطاقة ائتمان، وموظف ذكي تعلّم نشاطك أنت — مو ديمو جاهز.

ابدأ التجربة المجانية